Кеңсе былығы Қазақстандағы интернет пен басқа ғылыми өнеркәсіпке тұсау салуда. Мысалы, елімізде сайтты ашқыңыз келсе, рұқсат алу үшін шамамен он күн күтуге мәжбүр боласыз. Ал, шетелдегі сайтты тіркеу үшін ғаламторда небәрі үш-төрт минут жұмсайсыз. Бағасы да қымбат емес. Сыртқы интернетке шыққанда, біздің пайдаланушылар ай сайын 40-80 гигабайтпен шектеледі. Жылдамдағы да көңілдегідей емес. Ал, тіпті төрт жыл бұрын американдық «Комкаст» компаниясы пайдаланушыларға ай сайын 250 гигабайтты ұсынған еді. Шапшаңдығы да таңқаларлықтай.

Тәуелсіздігімізге 19 жыл толса да, халықаралық телефон кодымыз әлі де ресейлік +7. Тіпті солтүстік көршімізбен одақтас мемлекетті құрған Беларусь +375 жеке кодына ие. Ресейдің әскери серіктесі Армения да +374 жеке кодына ие. АҚШ-тың құрамында саналатын Пуэрто-Рико да +1787 жеке коды пайдалануда. Израильдің құрамында Палестина автономиясы да +970 жеке кодты иемденуде. Орысшыл бастықсымақтарымыз Ресейдің халықаралық телефон кодты қимай тұр.