Спорт саласындағы олқылықтар

Неге кейбір қазақ спорт федерацияларының сайттары қазақ тіліндегі ақпаратын бермейді? Мысалы, http://www.kazathletics.kz/ http://www.kfb.kz/ http://www.volley.kz/ сайттары ақпаратын тек қана орыс тілінде жазады. Қазақ спортшылары, бапкерлері, спорт ұйымдары негізінен Ресейден емес, еліміздің бюджетінен, жергілікті фирмаларынан көмек алуда. Соған қарамастан, олар ана тілімізді менсінбей, сайттарын шетел тілінде жасауда. Рахметі жоқ федерацияларға «ай» дер ажа, «қой» дер қожа бар ма?

www.longeaton.derbyshire.sch.uk


Тағы айта кетерлік жәйт, отанымызда ірі стадиондардың жоқтығы. Тіпті, Алматы мен Астаның өзінде орталық стадиондардың сыйымдылығы 30 000 көрермендерден аспайды. Бұрынғы Кеңес Одағы бойынша көптеген қалаларда керемет стадиондар салынған. Донецкіде сыйымдылығы 52 000 көрермені ғажайып «Донбасс Арена» баршылық. Ереванда сыйымдылығы 55 000 көрермені «Раздан» деген атақты стадион бар. Қазан қаласында сыйымдылығы 45 000 көрермені судай жаңа «Казань Арена» салынған. Мәскеу, Киев, Петербург пен Тбилисидегі одан да ірі стадиондар бар. Неге қазақ стадиондары артта қалуда? Біздің халқымыздың саны аз емес. Қаржы-қаражат та жеткілікті. Бірақ, ірі стадиондарға, ірі кәсіби бассейндерге сараң лауазым иелері ақшаны қимай жүр.

Share
Likes(0)Dislikes(0)
Print Friendly, PDF & Email
7 views

Leave a Reply

This site uses Akismet to reduce spam. Learn how your comment data is processed.