Өзге елдерге тиімді одақ

Қазақ халқының ешбір рұқсатысыз құрылған кеден одағы ең алдымен Ресейге тиімді. Өйткені, сапасы көңілдегідей емес ресейлік тауарлар Беларусь пен Қазақстанның нарығында тұрақты үлесіне ие болады. Сонымен қатар, бірлескен шешімдерді қабылдау кезде Ресейдің жалғыз дауысы белорус пен қазақ қос дауыстарынан басым шығады. Қазақстанға қарағанда, Беларусьтің де жағдайы тәуірлеу. Себебі, осы мемлекет біздердің шикізат пен ауылшаруашылық өнімдеріне зәру емес, керегін негізінен Ресейден алады. Бірақ, Қазақстан белорус жиһазы, тракторлары мен сүт өнімдерін кең көлемде сатып алуда, Минскіге пайда келтіріп. Сайып келгенде, Ресей мен Беларусьтен шыққан импорт осы елдерге жіберілген экспортымыздан әлдеқайда артық.

Мынадай тиімсіз одақтың дүниеге келуі ғажап емес. Отанымыздың сыртқы саясатының бастапқы сипаты — батылсыздығы. Бөтен елдерді ренжітпеу үшін, талай жағдайларда көніп тұрмыз. Жеңіл өнеркәсіп пен ауыл шаруашылығымызды құртып, Қытай өнімдерінің легіне тосқауыл қоймаймыз. Төл дәстүрлерімізді мәңгүрттей ұмытып, Таяу Шығыстың діни мерекелерін ресми түрде тойлаймыз. Америка мен Еуропаның тәкаппар дипломаттарына «әй!» дейтін әжеміз де қайда?

Likes(0)Dislikes(0)